灑家粥麵 (已結業)

聞說灑家啲粥好好味，見病病地就黎清下腸胃。環境幾大同闊落，都坐得幾舒服。不過d野食等左好耐下，隔離左右啲野黎晒我地仲等緊。。唔知係咪漏我單☹️, 之後見隔離又話落錯單，服務真係要改善一下，anyway 追左兩次啲野食終於好快黎😭。先試蝦子蠔汁鮮竹卷，好juicy!索晒汁,入面全部都係爽口彈牙既蝦肉，真係好好味！😍奶黃千層糕， 同酒樓平時食開既奶黃馬拉糕唔同🤔呢個質感比較實唔夠鬆軟，可能係因為叫千層糕既分別？不過奶黃甜度不夠，面頭仲有啲椰絲，唔係我杯茶，試一次就夠喇。終於到最期待既粥到喇😍田雞滑雞粥。 個粥底真係非常綿！有米香🤤田雞同雞都好嫩滑，每樣有幾舊咁，好正啊👍🏻。入面仲有兩粒東菇，其實無咩味，我情願佢搭多d蔥花比我仲好😂美極焗魚腩，呢個好香美極味。原來魚腩係炸既，對我呢個病人黎講太殘忍。😭只敢淺嚐一舊，炸粉薄，魚腩啖啖肉，連條蔥都好香，好好味可惜太熱氣😭下次好番再黎啦，好想食乾沙牛河。