築地銀だこ (大本型)

營業中

休息中

呢到係大本型入面嘅food court.入面都有幾多選擇，有兩三間日本野食。呢間主打就唔係烏冬拉麵，而係蛋餅章魚燒。佢有幾個set揀， 揀左個最大嘅，有齊章魚燒，蛋餅同烏冬。蛋餅好大塊，味道ok la, 唔算有咩驚喜，入面料都足，不過都係蔬菜之類。略嫌上面太多沙律醬。大阪燒麵粉都係太多，好濟嘅感覺，不過入面粒章魚都算大大粒嘅。築地銀炒麵啲牛肉真係太少，數埋都係四五塊，其他配料都無乜，純麵咁，最後都係食唔曬..抹茶牛奶都係抹茶粉開啦，唔差嘅，要攪下佢，好多粉沉底。發覺成個餐其實兩個人食都ok,因為好多蛋,麵粉，同埋太多沙律醬係面。不過價錢都唔算太貴嘅。