蘇記(茶檔)

營業中

休息中

下午時分，成條街都係cab，泊左超過卅部。可想而知呢條街真係唔野小。幾間大牌檔一間未預備好夜市，一間就剛開始炒野。剩底茶檔同粥檔無甩拖。反正我都係想黎個3點3，其實都4 點幾喇，選中茶檔有咩食咩啦。見到豬潤麵、餐蛋麵等例牌野，豬潤早兩個星期先食過，餐蛋就朝早先食過，於是，點個豬扒麵跟凍茶。茶先上，呷啖，較淡，稍為要等一等，因為豬扒同麵都係即制的。聽到炸豬扒的bolu bolu聲，聞到一陣油香…係唔溢的油香。碗麵有成兩塊豬扒的份量，食落好香，好似屋企煎豬扒煮麵咁。加埋只係$25，值得推薦的大牌檔。