超羣麵包西餅 (香林大廈)

營業中

休息中

去覆診前就去買下午茶，可以同肥髀分享！唔知點解過了午餐時間，仲係好多人，中環地區，裝修光鮮。最開心係麵包都係即焗，店內有自己廚房，香味走晒出來，引死人！ 本來想買呢度新出嘅紫芋系列，可惜店員話未有，就買4個蛋撻（$24），比錢都要排長龍，得一個店員收錢，人龍已經排了6、7個，好在餅店都即刻叫多個店員幫手散龍，店員用個膠盒裝好，再入膠袋比我，攞上手仲熱，咁就出問題，因為熱就有倒汗水，膠盒唔吸倒汗水，所有倒汗水黏住盒內，我怕整濕個撻皮，想打開又怕唔衛生！（在醫院 ）都係紙盒好啲！返到去打開個盒，蛋撻面已經有一層薄水，好在曲奇皮又無淋，都仲少脆，蛋漿夠滑微甜，size幾大個，食一個都幾飽！蛋撻都係新鮮出爐即食好啲！