影片
更多
2018-12-07
2432 瀏覽
筆者去到九龍酒店試佢嘅night buffet，上網見到佢做promote，一個人都只係講緊低過300蚊，於是就筆者就即刻落訂過黎試下。留意翻入去嘅時候最好著翻相應嘅dresscode，最好就semi-formal或者係formal。先講下香港人最鍾意食嘅生蠔，生蠔唔算話太肥美，但係每次可以攞到2份，如果你同廚師講，可以一次過攞4份。所以筆者攞左4份，1份齋食、1份點檸檬汁食，一份點tabasco，仲有1份將檸檬汁同tabasco雙溝。先講原味，由於生蠔口感唔算肥美，而且本身九龍酒店衛生程度好，將生蠔洗得好乾淨，因此原味其實唔太食得出蠔嘅鮮甜味道；至於點左檸檬汁嘅生蠔就好食過就咁食，檸檬汁有略為帶出蠔本身嘅味道，但係唔算太明顯；至於tabasco就係最為好食嘅一種食法，濃味嘅醬汁掩蓋左蠔嘅腥味，再賦予左無咩味道嘅生蠔香味，筆者覺得係最好食嘅食法；最後檸檬汁加tabasco就略為有d唔夾。食完生蠔，就食下d熱食，筆者朋友叫左港式粉面，而筆者食左一兩淡之後，發現呢度嘅牛丸非常高質素，牛丸嘅爽口程度甚至超出一d市面上專賣牛丸嘅舖頭，而且牛丸並無一般牛丸會有嘅胡椒味，反而食得出係有少少牛嘅鮮味
生蠔
29 瀏覽
2 讚好
0 留言
先講下香港人最鍾意食嘅生蠔，生蠔唔算話太肥美，但係每次可以攞到2份，如果你同廚師講，可以一次過攞4份。所以筆者攞左4份，1份齋食、1份點檸檬汁食，一份點tabasco，仲有1份將檸檬汁同tabasco雙溝。先講原味，由於生蠔口感唔算肥美，而且本身九龍酒店衛生程度好，將生蠔洗得好乾淨，因此原味其實唔太食得出蠔嘅鮮甜味道；至於點左檸檬汁嘅生蠔就好食過就咁食，檸檬汁有略為帶出蠔本身嘅味道，但係唔算太明顯；至於tabasco就係最為好食嘅一種食法，濃味嘅醬汁掩蓋左蠔嘅腥味，再賦予左無咩味道嘅生蠔香味，筆者覺得係最好食嘅食法；最後檸檬汁加tabasco就略為有d唔夾。
牛丸
27 瀏覽
1 讚好
0 留言
食完生蠔，就食下d熱食，筆者朋友叫左港式粉面，而筆者食左一兩淡之後，發現呢度嘅牛丸非常高質素，牛丸嘅爽口程度甚至超出一d市面上專賣牛丸嘅舖頭，而且牛丸並無一般牛丸會有嘅胡椒味，反而食得出係有少少牛嘅鮮味，可以嚐得出食材嘅質素。所以筆者建議大家大戰生蠔食到厭嘅時候，可以食下d熱同彈牙嘅牛丸，balance翻生蠔嘅質感疲累。
張貼
