倪姐泰國美食 (已結業)

懷念泰國美食，今次揀咗呢間倪姐，星期六大約八點入座，唔算多人，唔使等位，空間較大，唔使位貼位，坐得尚算舒服。叫咗冬蔭功炒飯，燒雞全翼同泰式炒通菜。先上菜既係冬蔭功炒飯，雖然我唔食得辣，但就係非常鐘意食冬蔭功，呢個飯絕對滿足到我，因為就好似係將成個冬蔭功湯底撈落個飯度炒，冬蔭功味非常濃郁，加上配料絕不欺場，有蝦，秀珍菇，同埋平時食冬蔭功既其他香料等，我覺得呢個飯絕對可以encore.泰式炒通菜，配蝦乾炒，微辣，炒得好香同剛剛好，通菜仍然爽口，配上都算濃味既蝦醬，都係食到停唔到口。至於個燒雞翼，相比起之前兩個菜，就真係冇乜特別，略嫌普通咗啲，下次可以再試吓其他串燒。總括唻講倪姐既食物水準算中上，算係真材實料，價錢一般，有加一，我覺得有機會係可以再戰既。