褔村日本料理鐵板燒 (已結業)

小弟同女友拍拖多年都已經唔會正日食聖誕大餐，今餐提早食聖誕大餐選擇了某藝人拍拖食的這間和食餐廳。如題說我們睇睇二千幾食一餐值唔值？先來個沙律，少少酸，幾開胃。之後是時令刺身，四款都十分新鮮肥美，而且厚切，好正。什錦前菜是第三款來的食物，侍應特別介紹右邊的蜆肉有湯凍，配上湯凍的蜆肉十分鮮甜，左面的火腿咸度適中無渣，上面果杯就滑潺潺，酸酸的，唔係人人喜歡。蒸蛋是好少數失準的，所以就睇有什麼餸起中間，而今次有小弟唔喜歡的白果，鳴門卷好林（少有），仲有面頭的香草，其他已經忘了，唔好意思。不過這蒸蛋真的好食好滑。之後是一點香口的鐵板銀鱈魚，鮮嫩的蜆，加上味道香甜的洋蔥湯，侍應介紹湯底是可以當湯飲的，三樣配搭十分新鮮，最後給小弟食清光。主菜來了，鐵板龍蝦，蘆筍，配上龍蝦汁，燒過的蘆筍少少林無咩味，感覺一般，不過龍蝦就十分好食，配上龍蝦汁十分夾，不過唔夠爽，有點可惜。但不可不講是上面的花，入口後會慢慢上鼻，花香加上龍蝦肉是您估不到的新鮮口味。放在鹽板上燒的牛扒是小弟第一次食，好特別，牛肉十分嫩，多肉汁有肉味加上小小鹽味，不過無得選幾成熟，上枱時已經七成以上了，如果五成我相信會更好食。侍應話餘下的龍蝦