聰嫂·原素 (已結業)

三點幾入到去只係順口問下有冇下午茶餐架？個職員話無，只有餐牌嘅套餐，我已經話唔緊要啦，佢竟然話，已經好平架啦，嫌貴呀？想食平咪食呑拿魚包啦，三十幾蚊架咋，夠哂平。叫左兩樣野，一個係XO醬腐皮卷虎皮尖椒炒麵，好油，虎皮尖椒同腐皮卷各五小舊，仲有飲品，52蚊。第二樣係椰子黃耳燉湯，同隔離枱個例湯一樣size，唔知有冇300ml ，45蚊。因為飲品叫職員後上，食到咁上下就叫咖啡啦，都等左一排，再同個職員追一下，佢答我，我地個啲即磨咖啡黎架，冇咁快架。