一心素食 (已結業)

剛剛因為母親節，當日十分爆滿，第1次食這間店，估唔到有驚喜，當日壞電梯，行左3層先到，見到禁多人先放心，因為店舖位置唔旺，晚餐有4人套餐，有前菜，小食，4個主菜，送一個炒飯，仲有甜品，飲品，埋單都係600左右，十分抵食! 而我推介的是酥炸靈芝菇，十分香口，脆醬有水準，椒鹽又惹味，贊 鮑魚撈起，有d後悔，因為估佢唔到底層係烏冬，我們還有一個意粉和炒飯，所以最後食唔晒，佢送係蛋白，瑤柱炒飯，夠乾身夠香，估唔到送的東西都勁好味，意粉就一般，無特別，另外薄餅都很好味芝士很濃，薄餅夠脆，蟲草花羅漢斋，令原來的食物，變得高級左，佢的凍飲係自己加糖水，糖水係枱面的，我飲完杯凍檸茶，自己加水加糖水，就可以飲多杯唔洗錢，佢檸檬勁厚勁多，絕對可以飲多杯，各位低調d,唔係小妹下次去無得偷雞，值得再食小店(￣∇￣)