影片
更多
2013-05-03
298 瀏覽
同男友慶祝拍拖週年,見呢間放題網上評價唔錯,又任飲任食無限時就打算試下!由於當日係星期一,諗住唔多人就無訂位直接上去,點知上到去都坐滿人,帶位小姐仲好細心提我地下次一定要訂位,啲位都幾鬆動,可以靜靜地同男友慶祝真係一流!坐低即刻有人介紹落單方法,會送個剌身拼盤黎試左先,仲即刻幫你準備埋飲品,見清酒任飲就叫枝試下,一邊食一邊落單,啱晒行左成日街既我地!佢地剌身種類唔算多,但都幾新鮮!可惜甜蝦只得拼盤先送,無得任食有啲失望!我地叫左幾款試::三文魚比較厚切,唔係腩位但都幾肥,食落口感特別好!男友鍾意食忍唔住叫左幾次!白玉豚都幾特別,食落腥味重啲,但口感油油地,其實幾好食幾特別!另外希靈魚咬落爽口唔算太腥!本身好怕放題食壽司,因為多數啲飲都好散味道唔多好,但呢到賣相同味道都唔錯,仲幾多款可以選擇!例如玻璃蝦,白鳥貝,櫻花魷魚壽司等等...連帶叫埋卷物,白之戀外面層三文魚轉左係立魚,本身唔抱寄望,試完又幾爽口都唔錯!仲有香芒卷,炸蠔反卷都係唔錯既推介!食完生既試熟既::芝士焗蠔,驚好"漏"就先試兩隻!沙律醬味好重,但蠔就幾大隻幾新鮮!食落係想像中咁"漏"之後叫多幾轉,一定要試!和牛粒好"林",
同男友慶祝拍拖週年,見呢間放題網上評價唔錯,又任飲任食無限時就打算試下!由於當日係星期一,諗住唔多人就無訂位直接上去,點知上到去都坐滿人,帶位小姐仲好細心提我地下次一定要訂位,啲位都幾鬆動,可以靜靜地同男友慶祝真係一流!
坐低即刻有人介紹落單方法,會送個剌身拼盤黎試左先,仲即刻幫你準備埋飲品,見清酒任飲就叫枝試下,一邊食一邊落單,啱晒行左成日街既我地!
佢地剌身種類唔算多,但都幾新鮮!可惜甜蝦只得拼盤先送,無得任食有啲失望!我地叫左幾款試::
三文魚比較厚切,唔係腩位但都幾肥,食落口感特別好!男友鍾意食忍唔住叫左幾次!
白玉豚都幾特別,食落腥味重啲,但口感油油地,其實幾好食幾特別!
另外希靈魚咬落爽口唔算太腥!
本身好怕放題食壽司,因為多數啲飲都好散味道唔多好,但呢到賣相同味道都唔錯,仲幾多款可以選擇!例如玻璃蝦,白鳥貝,櫻花魷魚壽司等等...連帶叫埋卷物,白之戀外面層三文魚轉左係立魚,本身唔抱寄望,試完又幾爽口都唔錯!仲有香芒卷,炸蠔反卷都係唔錯既推介!
食完生既試熟既::
芝士焗蠔,驚好"漏"就先試兩隻!沙律醬味好重,但蠔就幾大隻幾新鮮!食落係想像中咁"漏"之後叫多幾轉,一定要試!
和牛粒好"林",好易入口唔會似牛肉乾,又係值得試!雞軟骨串辣辣地,唔會太硬,點佢準備既檸檬汁仲正!
天婦羅就只係叫左大蝦,即叫即炸粉唔厚,但唔點天婦羅汁就無咩味!食到飽飽地叫啲小食送酒俾個胃抖下!
串燒墨魚,好簡單配左啲燒汁,唔算好特別!汁煮雞腎意想不到係冷盤但都夠入味!
元貝沙律好新鮮,配埋醬汁食同枝豆甜甜地用黎送酒一流!其實佢地火鍋都係任食好吸引!但我地實在太飽,所以決定下次再試!
最後到甜品::
個炸香蕉真係好特別,外面炸得鬆化內裡"林林"地幾好食!雪糕就無但泡芙任食,哈哈搞到我地2個不停再叫!
題外話/補充資料：
[b][/b]食物總算不過不失,試咁多間放題以$178既價格,又任坐任飲任食黎講質素算係中上!但最令我會再食多次係因為服務態度,呢到所有員工都好有禮貌!又會去幫我地加番飲品同清理枱上垃圾!最重要係會主動幫我地查有無漏單,良好態度令人值得讚賞![b][/b]
(以上食評乃用戶個人意見 , 並不代表OpenRice之觀點。)
張貼
