影片
更多
2020-01-23
1728 瀏覽
Dr. Fern’s主打Gin酒，但門口非常低調似診所門口，所以經過置地廣場都唔會留意到，不過入到去好多花花草草裝飾配上比較柔和昏暗嘅光線成個秘密花園咁，調酒吧後面擺滿各款唔同類型嘅gin，包括來自世界各地唔同嘅酒，總共有250種Gin酒及各種材料🍹望落甚至有啲似醫館一格格藥材箱。嗰度service一流，我第一次去幫襯見到menu有啲迷惘然後啲staff自動波過嚟推薦適合我哋口味嘅Gin and tonic，佢哋仲着住醫生袍成個醫師咁襯晒周遭環境👩🏻⚕️😋點好酒後會送上小食，米餅質感嘅脆片但有少少辣粉，小小辣味非常惹味好食，送酒一流！👓Whitley Neill Quince & Fever Tree Tonic $150Garnish：gin jelly，plum & apple酒味明顯重少少如果同果酒嗰杯相比。有Gin酒做嘅啫喱係底係用返佢個base製成，玩味十足，有一串紅色嘅蘋果片作裝飾。酒少少酸酸地但蘋果味唔係真係好出，始終都係酒味出啲。🌟比較鍾意歎酒果種感覺嘅人可以嘗試叫依杯～評分：7/10👓Nordes Gin & Goldberg Hibicus Tonic $170Ga
嗰度service一流，我第一次去幫襯見到menu有啲迷惘然後啲staff自動波過嚟推薦適合我哋口味嘅Gin and tonic，佢哋仲着住醫生袍成個醫師咁襯晒周遭環境👩🏻⚕️
😋點好酒後會送上小食，米餅質感嘅脆片但有少少辣粉，小小辣味非常惹味好食，送酒一流！
👓Whitley Neill Quince & Fever Tree Tonic $150
Garnish：gin jelly，plum & apple
酒味明顯重少少如果同果酒嗰杯相比。有Gin酒做嘅啫喱係底係用返佢個base製成，玩味十足，有一串紅色嘅蘋果片作裝飾。酒少少酸酸地但蘋果味唔係真係好出，始終都係酒味出啲。
🌟比較鍾意歎酒果種感覺嘅人可以嘗試叫依杯～
評分：7/10
👓Nordes Gin & Goldberg Hibicus Tonic $170
Garnish：green grapes，tea bag，Chinese plum
呢杯來自西班牙嘅gin以葡萄作為base。冇乜酒精味似果酒甜甜地非常容易入口，第一啖飲有啲似梳打嘅感覺。竹籤有粒梅不過應該純粹裝飾所以冇乜梅味，底部有幾粒青提子而酒都明顯帶陣提子味，有Gin茶包吊住喺杯邊變相飲酒嘅同時會聞到一陣陣Gin茶包嘅茶葉香味，感覺幾特別。
🌟唔鍾意酒精味比較鍾意易入口飲果酒嘅人可以嘗試叫依杯～
評分：7/10
雖然價錢少貴，但飲品賣相好精緻，Gin酒加了Tonic所以酒精濃度亦沒有很高。
環境氣氛亦一流，不過人流算多但坐位唔太多，如果冇位可以係調酒吧旁嘅企枱邊飲邊等位，甚至直接喺企台把酒談心別具另一番風味。
張貼
