Hygge (已結業)

朋友話哩間餐廳嘅甜品好特別，有個氫氣球甜品，點知原來其他菜色都有驚喜！是日餐廳湯係南瓜湯，平時唔係好鐘意南瓜味，但都覺得好好飲，好香甜！叫左松露雜菌意大利飯，一上枱就聞到陣陣松露味，好香！飯軟硬到度適中，而且奶油味唔重，所以唔會食到好膩。另外都叫左油浸鴨脾，上面有一舊仔香煎鵝肝，雖然鵝肝味唔算好重，但煎得好香，鴨脾煮得好嫩滑同埋好入味，中意食鴨脾嘅人可以一試！終於到左今日黎嘅重點，就係氫氣球甜品，只要叫甜品就會送氫氣球，係用糖做，玩得又食得，創意滿分！我地叫左伯爵茶奶凍，奶凍好香滑同埋茶味濃，香甜感覺最岩做飯後甜品！