TC Bistro (已結業)

今日難得約到朋友岀黎，想慢慢咁傾下計，食餐好嘅，終於係翻工附近搵到間西餐廳，間餐廳成日都行過，就一試。餐廳服務周到，裝潢設計高級，有沙發位，光線暗射，情調十足，我最欣賞嘅係佢隻碟，好特別，夠精美，仲提供濕紙巾，十分細心。餐廳提供薄荷檸檬水 ，有助開胃，減少膩感。第一上菜係牛油果餡餅，附上三種醬汁，酸酸甜甜，皮薄， 唔會食落得皮。Main course 好多選擇，身為海膽愛好者，即刻選擇了加拿大海胆龍蝦忌廉汁意粉先。唔好睇佢盤大餡細，佢個盤其實好深好大份，兩個人食都夠晒，橙黃色嘅海膽味道甘甜，質感細膩， 幾乎入口即溶，齒頰留香，與龍蝦忌廉汁極相配。今次黎到係專登為威靈頓牛柳而來，要好食嘅威頓牛柳唔容易, 等待時間雖然係有啲長，但成品賣相吸引，色香味俱全，皮夠薄而肉唔會過熟，極高難度。極推薦依間餐廳既威靈頓牛柳。