九份•十分 (河畔花園) (已結業)

今晚同屋企人夜晚6點3就嚟食晚飯，因為仲早唔駛等，一嚟到，有個靚女長髮姐姐嚟幫我哋落嚟，要一讚嘅係佢態度親切，我哋叫咗個$198餐-海蜇，豬手，蚵仔飯，牛肉麵，oreo沙冰同綠茶沙冰。另外叫咗個香芋珍珠，老皮嫩肉，蚵仔煎，本來想叫個鹽酥鷄，不過長髮姐姐介紹咗個3寶，有鹽酥鷄，魷魚鬚同幸包菇，就聽佢講啦。先講講個海蜇，都幾辣下；豬手好林好入味；蚵仔飯唔太鹹且有d蜆肉喺裏面，感覺豐富咗；牛肉麵呢，半筋肉口感好好可惜就咁食的話會有少少鹹，配埋麵食就啱啱好；oreo沙冰淡咗d,綠茶沙冰茶味夠，香芋珍珠味道夠嘅不過如果珍珠可以冇咁硬會再好d；老皮嫩肉嘅豆腐食落去好油；蚵仔煎有d實始終都係台灣食嘅口感好d；鹽酥3寶冇介紹錯，好好食仲可以食多兩款唔同嘅餸添。雖然傳菜嘅姐姐冇笑容但係有長髮姐姐就殺晒。