Rimi Cafe (已結業)

之前都食過呢一間 cafe，係黃店之餘 d 野又幾好食，所以今日同老婆再嚟食。蒜片牛柳粒，蒜片炸到好香，牛柳粒肉味都唔錯~煙三文魚薄餅，香噴噴嘅芝士加埋煙三文魚同好脆嘅餅底，無論口感定係味道都一絕！芝士焗薯蓉配巴馬火腿，綿密口感嘅薯蓉有好香滑嘅牛油味，巴馬火腿係我最鍾意食嘅味道，咀嚼時就有一股特有嘅幽香攻上去鼻腔，好好味呀！百香果乳酸，百香果嘅香味配搭乳酸真係無得輸~cafe 入面有好多 board game，不過今日比較趕時間無玩到，等下次再玩過啦。