勝手 (已搬遷) 新店位置

終於秋天，感覺無咁熱，即刻諗起佢。。平時成日經過都爆棚既＂勝手＂今日竟然有位Table for two please!佢地係全部都係坐Bar枱既, 個鍋仲放正响面前, 勁Like! 望到對面有人叫咗個海鮮餐好似咩都有(大虎蝦, 生蠔, 帶子仲有蟹) 好似好豐富喎! 不過一問之下原來隻活毛蟹係要預訂既 雖然冇訂冇蟹 但其他海鮮都幾吸引呀!個waiter介紹咗個和牛餐比我地。價錢吾算好平但食落真係好好味, 有咬口,好過個d任食多多聲!! 至於湯底, 個立魚真係冇冇冇得頂! 食完其實巳經非常滿足, 但又唔想浪費, 最後飲咗兩大碗先肯收手!! 真係好香魚味仲一D都唔腥,唔似其他火煱店個ｄ味精湯!本來想試埋佢地既串燒, 不過真係有d飽…所以我最喜愛既牛舌、等我！