莎巴馬來西亞餐廳 (已搬遷) 新店位置

今日同友人一行四人黎開灣仔，男友一開始已經鎖定要再黎食呢間(以往都食過幾次了)。是日五月二日，紅日，大概七點半左右到，一入到就被問有無訂枱，係無既。好采都仲有位，安排到入座。沙嗲串燒，略嫌太細串啦，唯有當少食多滋味，作第一道菜，開開胃啦！拉茶，不過不失，自己就略嫌唔夠滑同唔夠甜，但男友覺得ok椰汁海鮮飯，個椰汁好香，撈埋一齊好好味，如果多啲海鮮就更好，個人唔太中意食雜豆。油鬆餅，用黎點巴東牛肉超正！好味到臨尾要嗌多份呀！巴東牛肉，好重香料味，超級惹味，本人係唔食得辣既人，但呢個都食到，再次強調 油鬆餅夾埋一齊食係超正！馬拉盞炒通菜，呢個都好好味。只係今餐飯其他餸更出色，呢個相對就普普通通咁啦。肉骨茶，叫個細size,分到四小碗。每碗有一件排骨，支竹，豆卜，好重藥材味，正呀！仲有用油炸鬼點肉骨茶食是常識吧！食到尾聲先醒起，無黑醬油既？！唔知係侍應俾漏左定係餐廳無呢？食到飽飽，超滿足又keep 到水準，正！走左先醒起唔記得嗌個甜品，炸香蕉。下次再試！