影片
更多
2018-07-31
554 瀏覽
新都會廣場大改造之後, 環境好左好多! 而且添加左好多新食肆。其中一直期待的就係稻成京川滬。自認係超級麵控。無論咩麵, 點煮, 一有新野想去試。呢間係圓方既同系稻成亞丁, 以京川菜為主打。今次就多一個元素, 上海。星期五既LUNCH TIME, 一行4人, 好彩12:25pm就到, 唔使等位就可以入內。坐左係左手邊卡位。呢個舖位之前都係做食肆, 但今次裝修真係超一流! 又靚又舒適! 特別鍾意佢卡位 (似房), 因為有門可以拉埋, 私隱度大增。枱邊仲有個"服務鐘", 可以隨時因應需要呼叫店員, 正!一坐低當然叫碗麵, 四川擔擔麵。味道正常, 好味! 份量出奇地多, 非常抵食! 同行友人鍾意頭盤, 於時叫左夫妻肺片、四川涼粉呢D經典野。首先, 呢碟夫妻肺片係我近期食過既最好味既一碟, 原因: 用料豐富, 調味用心, 而且肉質嚼落軟硬度非常適中, 溫度又唔係你常會遇到的"凍"! 非常值得推介再來講下碟涼粉相比起夫妻肺片, 呢碟就有進步空間。又唔可以話唔好食, 係個人喜好。擺碟相對單調, 唔夠吸引, 太多"水", 涼粉亦唔係鍾意既QQ感覺, 係粉嫩個種。還記得學生時代某年, 係北京食過既那道粗
自認係超級麵控。無論咩麵, 點煮, 一有新野想去試。呢間係圓方既同系稻成亞丁, 以京川菜為主打。
今次就多一個元素, 上海。
星期五既LUNCH TIME, 一行4人, 好彩12:25pm就到, 唔使等位就可以入內。坐左係左手邊卡位。
呢個舖位之前都係做食肆, 但今次裝修真係超一流! 又靚又舒適! 特別鍾意佢卡位 (似房), 因為有門可以拉埋, 私隱度大增。
枱邊仲有個"服務鐘", 可以隨時因應需要呼叫店員, 正!
一坐低當然叫碗麵, 四川擔擔麵。味道正常, 好味! 份量出奇地多, 非常抵食!
四川擔擔麵
34 瀏覽
0 讚好
0 留言
同行友人鍾意頭盤, 於時叫左夫妻肺片、四川涼粉呢D經典野。
首先, 呢碟夫妻肺片係我近期食過既最好味既一碟, 原因:
用料豐富, 調味用心, 而且肉質嚼落軟硬度非常適中, 溫度又唔係你常會遇到的"凍"! 非常值得推介
夫妻肺片
24 瀏覽
0 讚好
0 留言
再來講下碟涼粉
相比起夫妻肺片, 呢碟就有進步空間。又唔可以話唔好食, 係個人喜好。擺碟相對單調, 唔夠吸引, 太多"水", 涼粉亦唔係鍾意既QQ感覺, 係粉嫩個種。
四川涼粉
30 瀏覽
0 讚好
0 留言
還記得學生時代某年, 係北京食過既那道粗鹽蔥花蒸豆腐, 無多餘野, 味道極好, 至今難忘! 試左稻成京川滬呢道蒸豆腐之後, 我諗, 又再多一道豆腐菜式我會一直記住, 因為一道突顯豆味, 呢道辣中帶鮮, 非常可口。若配上一碗白飯, 開胃又過癮!
蒸豆腐
42 瀏覽
0 讚好
0 留言
稻成既小籠包係佢兩間同系餐廳早已試過, 水準相若。皮薄餡靚! 但我真係唔明, 有呢D咁好既基礎, 點解唔推出多D噱頭, 滿足下鍾意試新野既食客如我。市場上早有人玩外皮顏色, 亦有人大玩唔同餡。又唔係難, 無理由做唔到喎。
小籠包
32 瀏覽
0 讚好
0 留言
呢餐lunch食得好開心好滿足! 出品好! 服務都好貼心。枱邊個鐘我地已經證實左, 唔係要來擺, 而係真係每次按, 都好快會有店員來跟進, 我地係平靜既"私人空間"睇返出邊大廳人頭湧湧, 加添左一份感恩。我知道以後呢間餐廳會係我常常光臨既一間, 因為實在無咩理由唔愛上。希望下次幫襯食晚飯, 再同大家分享。
如果夾硬要我打個分數, 我會話五星未滿四星足夠有餘!
張貼
