淼屋 (已結業)

淼屋今日過開上環行街就去咗蘇杭街度搵食，經過見到有間日本菜一於想去試一試，裝修以藍色為主色座位唔算好多，外面有個小露台可以呼吸下，中午時段都坐咗接近6成人。侍應態度親切👍🏼精選午餐有七款咁多，主菜+小食+飯或讚岐湯烏冬，另外仲有沙律，前菜及湯。仲有超級午市優惠，有三款選擇最抵食$98起。蒲燒鰻魚飯 $168鰻魚肉質夠但配埋香濃醬汁加上白飯哩食，正呀，小食就揀咗燒茄子同埋日式炸豆腐，成個餐好豐富夠晒飽。燒西班牙黑毛豬梅玉爽 $168黑毛豬肉質鬆化，肉味都好濃，油潤甘香，小食揀咗有機翠玉瓜同埋雞軟骨串燒配讚岐湯烏冬。