樂天經典 (奧海城二期)

營業中

休息中

今日放工去咗奧運站附近，就去左奧海城搵好野食！ 今日就決定試下樂天經典，之前一直都想試下。食之前我已經做足準備，就係上openrice 睇下有咩好食haha 。 我見到喱到個星州胡椒螃蟹好多人叫，都有好評，我梗係要試下喱道招牌菜。我地仲叫左老鼠粉煲（中） 同一個小食脆炸美人魚。一坐低就有default 小食食，有花生栗子豆，應該係用滷水滷過，都幾好味！（但係都要俾錢嫁，$15一份，價錢都合理）等左一陣就上左小食炸美人魚，醬汁甜甜地，個美人魚真係炸到好脆，好香口。我男朋友好鍾意食，但我個人就怕熱氣，所以食左少少。佢嘅份量都算大，所以我建議大家如果多人食叫會扺啲，因為二個人食有啲多。 但如果你好鍾意食喱類型嘅小食，都推介你地試下。之後就上左主食老鼠粉，上黎真係哇左一聲，因為好大鍋（我地叫左個中size ）但原來中size 都好大，我覺得有3-4人分量。一上黎職員好細心咁同我地講解，叫我地一陣落果個汁(有D咸魚香味)，然後撈勻佢先食。職員本身想幫我地落，但係因為我要影相先>w<。我勁鍾意喱個狗仔粉，佢個汁好香，有淡淡咸魚味，又唔會太重口味，佢加左蛋，好滑好正。好推介大家去食。