古早味台灣原味 (已結業)

一直以來都好想食台灣菜，同朋友約咗喺平日夜晚食飯，上OpenRice睇吓，發覺呢一間台灣菜好正宗，所以就約埋朋友去銅鑼灣試一試！因為我哋覺得比較早，所以就唔算好多人，可以俾我哋坐個靚位！但係一到到七點鐘，就好多人放工嚟食飯啊，但係環境都幾清靜，所以朋友之間傾計就一流啦！我哋打開個餐單，發覺都選擇幾多下！我哋前菜要咗個醉雞捲，雞卷嘅味道有酒浸住，酒味好濃郁，鍾意飲酒嘅人一定好鍾意！主菜方面，我哋叫咗個擔仔麵同埋炸雞扒飯，相比起小食，我就覺得小食比較好食！如果主菜個味道再濃郁少少就好啦！飲品方面，我哋叫咗一個好養生嘅元玉紅棗茶，味道都幾清香，飲落覺得好舒服！最尾，梗係要個甜品啦！我哋就要咗台灣最出名嘅芋圓，芋圓個底仲有紅豆冰，簡直一流呀！