京都一の傳

話說因為有海港城美食券，所以決定試吓呢間名店😄以往路經總會見到大排長龍，估計應該都係好食嘅舖頭，至可以吸引咁多人願意花時間排隊😅星期四晚上約7點半，無需等位即可入座😄都算好彩🤔呢間舖頭係完全冇任何套餐，只可以按餐牌上單點，因為份量相對少，所以價錢都有啲貴😅雖然價錢相對貴，但係質素亦都非常好，所以成日都話食好西係要付出代價嘅，而今次用埋美食券，真心覺得非常抵😂齋睇啲用具，都覺得賞心悅目燒海膽年糕（$88）海膽鮮甜好味，不過年糕燒完有啲硬😅熊本A4和牛鹽燒（$348）侍應建議3成熟，生生地反而食到好香嘅牛肉味，而且配合傍邊嗰啲唔同嘅醬料，有唔同嘅香味，值得試👍🏻👍🏻👍🏻藏味噌漬．銀鱈魚（$258）呢個又係必食推介，西京燒銀鱈魚由香葉包住，魚吸收左香葉嘅味道，去除油膩感覺，加上銀鱈魚口感嫩滑，真係會食唔停口，一定要食.藏味噌漬．豚肉（$138）就係因為呢個香葉包住可以帶出嘅好香味，最後加左呢個豚肉，豚肉經過燒烤將多餘嘅有分迫咗出嚟，而香葉亦都吸左啲油膩，所以整體係好好食😋