亞參雞飯 (德福廣場1期)

營業中

休息中

琴晚同朋友去咗德福廣場嗰間亞參雞飯，試咗佢地嘅亞參去骨海南雞同新加坡喇沙米線，真係幾好味。首先講吓佢地個亞參去骨海南雞，雞肉真係好滑，好嫩，每一啖都充滿雞汁嘅鮮味，油飯煮得好香，粒粒分明，仲有陣陣雞油香味，加上三種醬汁味道更加豐富，真係令人食指大動，配埋嗰碗冬瓜清雞湯，湯底清甜，唔會太油膩，飲完之後感覺好清爽。至於佢個新加坡喇沙米線，湯底濃郁，椰香味十足，而且辣度啱啱好，唔會太辣但又夠味；米線煮得啱啱好，唔會太軟，保持住彈牙嘅口感，配料都好豐富，有大蝦、魚片同埋豆卜等等…，每一啖都充滿驚喜。另外再叫咗兩杯嘢飲，一杯係熱美祿，另一杯係薏米水，兩杯都香味濃郁，尤其是薏米水，裏面好多薏米，好足料。總括嚟講，呢兩道菜都好值得一試，特別係鐘意新加坡同馬來西亞菜嘅朋友，一定唔會失望！