心夜來潮 (已結業)

上完堂原本諗住食南記，行到樓下見到樓上竟然新開咗間心夜來潮！所以決定轉軚去食！其實上年我喺大角咀食過一次，無諗過佢竟然搬咗去旺中對面，地點就腳好多！而且餐廳面積比大角咀大好幾倍，又坐得舒服好多！由於一個人食，所以只係食咗兩樣嘢。手工捻面猴，有肉粒，蝦米，土魷絲，翠玉瓜粒，冬菇絲，粉皮，湯底味道似食狗仔粉同油渣麵，幾好味。小米餃，口感同味道好似蒸魚皮餃，好鮮味，點醬好食啲，但千奇唔好點太多，係咁意high一high d醬就夠，唔係會好咸。地道潮州菜風味，價錢亦大眾化，唔錯嘅選擇。