宮崎日式燒肉店 (已結業)

冬天同莊員唔想每次都打邊邊咁悶，而且老實講打邊邊嘅話係Hall打都得啦，所以就諗到不如去食燒肉呢間宮崎係同學仔介紹話OK嘅，所以就去試下夜晚7:00呢個時段都已經幾多人下好彩一坐低就有送嘅大蝦！按人頭一人一隻！睇住餐牌教路放係爐中間燒左陣，大蝦蝦肉幾彈牙，唔錯之後就進攻食牛啦牛舌好煙韌好好咬口，啲黑椒夠惹味一口牛肥美有牛油香，最好唔好燒太耐，唔係就無咗肉汁沙朗心最有牛味，燒八成熟就最好食另外最好食嘅係海鮮，帆立貝配牛油咁燒係第一次見不過燒完之後個牛油香味同帆立貝又真係好夾，值得encore另外蝦都OK，雖然無大蝦咁正，但燒到個殼變亁身之後果陣蝦嘅香味無得輸！開開心心食左個半鐘，未溫馨提示last order就已經開始飽，啲野食上得算幾快，又唔會漏單，所以都算合格嘅