方太糕品舖 (已搬遷) 新店位置

今日要去佐敦，之後去咗方太糕品舖排隊買甜品。聽講以前要排半個鐘以上，呢幾排疫情嚴重，我淨係排咗大概10分鐘就買到啦。我大約五點幾去到，有六種糕，$18／3件，分別係紅豆糕、綠豆糕、桂花糕、椰汁千層糕、眉豆糕同埋椰汁馬豆糕，款款都各有特色。桂花糕清甜，帶出桂花嘅香味；椰汁千層糕煙煙韌韌，幾有咬口；馬豆糕幾重椰子味，非常特別；眉豆糕同綠豆糕都唔會太甜，非常足料。而我最鍾意食紅豆糕，裏面紅豆數量好多，好足料，又唔會太甜，好香。呢一間一定會再回頭，試吓其他味道。