柏麗廳

營業中

休息中

今日收工同班友仔食自助餐，其實呢排斷斷續續都食咗好多間，但係呢一間又真係有驚喜，呢個價錢嚟講絕對係對得住食材質素。入到去餐廳食得多自助餐嘅朋友都可能覺得佢嘅格局熟口熟面，同銅鑼灣有間自助餐簡直係十有八九相似，佢哋都係嘅食材出名多元化。值得推介嘅地方係佢哋嘅海鮮係有驚喜的竟然有皇帝蟹，唔係平時食開嗰啲松葉蟹，係皇帝蟹！食得出皇帝蟹係有水煮過但個人建議可以放檸檬落去一齊煮，可以沖走本身入邊嘅鹹味味，因為味道都係屬於比較死鹹。之後龍蝦嘅話都係屬於比較鮮嫩，喺自助餐嚟講屬於中上水平，其餘種海鮮就不過不失，刺身嘅話係有驚喜有紅蝦，同埋我最鍾意嘅帶子竟然係原粒上唔切呢個底讚賞。和牛鐵板燒同埋燒牛肉都係採用日本和牛，級數同埋部位可能唔係好高但係絕對係自助餐入邊係食得過！抵讚！其餘熱菜雖然話種類唔多但係味道都普遍係中上水平，超越咗大多數自助餐嘅水平。甜品嘅話種類好多，甜品愛好者應該好鍾意佢地，但係我就覺得種類多但水平唔算話十分好中下水平，雪糕嘅話就有Haagen-Dazs 同埋Movenpick。以呢個價位嚟講甜品同雪糕都好對得住佢。總結呢間係值得再去嘅自助餐。