喜來稀肉 (金巴利道)

營業中

休息中

好耐無食韓燒，就同朋友book左喜來稀肉食韓燒。一來到就好快安排入座，唔會坐得好逼。店員仲介紹左沙律吧，可以自取喜歡嘅韓式地道前菜，有泡菜、蘿蔔片、芽菜、醃菜。我地叫左壹頭牛Set，可以試不同牛嘅部分。先試牛五花，肥瘦剛剛好，食落唔會太肥膩，包住生菜食有更清新嘅感覺。喜來烤肉，肉質薄片鮮嫩，味道較濃郁。牛頸較厚切，食落creamy，牛味最出。牛肋骨脂肪例適中，肉汁飽滿。燒到一半，店員都會好主動過來幫忙換個爐面，服務親切，值得一讚，下次會繼續黎。