鮨千寿 (屯門市廣場1期) (已結業)

17.6.2021今日又來試好西，「Sushi Senju 鮨千寿 屯門市廣場店」之前做優惠有好多人排長龍，Open Rice都有好多好評，所以今晚專登來試吓。因為平日加時間尚早，所以未有好多人。好欣賞枱之間有足夠距離，空間大，所以環境清幽寧靜，好適合兩三知己/家人閑談。枱上有一個瑩光黑板介紹當日新鮮刺身，好貼心。本身個menu都有不少選擇，由前菜/小食、沙律、刺身、壽司、手卷、天婦羅、串燒、炸物、豪華丼、茶漬飯、湯、飯/湯麵、甜品…….豐儉由人、適隨尊便。呢度最出名係刺身，但所謂一分錢一分貨，質素高啲刺身當然唔平宜。我今次揀咗個「雜錦魚生沙律」，剌身魚有幾款，而且好新鮮，加埋沙律菜，另附上醬汁任點。呢個沙律好啱我口味，好清新。之後叫咗個「松葉蟹蓋海膽石鍋飯」，不是好大碗，但白飯上舖滿了蟹嘅配料，蟹膏、蟹肉好鮮甜、海膽好新鮮，而且份量唔少，拎嚟送飯，啖啖有蟹同海膽嘅香甜味，真係好正！食石鍋飯之時，好貪心加多個炒雜菜，因為有人讚過，果然真係不錯，椰菜加其他配料，好爽脆，份量夠多，而且加咗少少胡椒，少少辣好野味，鍾意食菜嘅會幾啱食。除咗環境、食物之外，職員服務也很殷勤，招呼週到，有禮，而且