肥仔黎 (已結業)

獨享餐 $49對上一次去到一點幾已經賣晒因為佢全日淨係一點同六點開賣今次我一點去到成功買到雞髀！配菜揀咗：菠蘿 番石榴 杏鮑菇個雞髀好滑 聽講雞髀好快賣晒皮同肉中間係有一層啫喱嗰種 調味啱啱好 有肉汁 一啲都唔乾😋😋 小辣啱啱好！（可以揀重口味同埋多蒜！）菠蘿係爆汁嗰隻！好甜食落去勁開胃 一定要揀呢個！番石榴一般般 唔係好甜 變咗配角杏鮑菇好吸汁 冇菇嘅臭味同啲辣汁撈埋一齊 真係一流 鍾意食菇一定要叫呢個！我朋友試過雞翼 但都係雞髀好食好多 所以大家有機會都要買雞髀 滑好多！整體來講對比其他鹽水雞來講：高水準同多汁！