串本屋 (已結業)

好耐無係呢頭搵食，今日去開尖咀，想沿路行下見到呢間居酒屋，又戚起條根就試下啦~🙈呢度餐牌好多野揀，種類極多，一坐低店主就好親切咁呈上前菜醋漬蕃茄，清新開胃，清一清個味蕾🍅🐣月見自家製免治雞肉棒$38要蘸蛋黃食，入面有一粒粒雞軟骨碎，口感非常豐富，好滑嫩，燒得好好🐮鹽燒封門柳$26薄切封門柳，肉質軟嫩，好juicy，完全唔乾，仲好有牛味🐷荔枝豚肉卷$22用豚肉包裹著荔枝，大大粒，荔枝甜味解膩之餘仲提升左整個豚味的層次🍍焦糖燒菠蘿$28賣相一流，外層焦糖燒得香脆，菠蘿非常香甜多汁，有驚喜！🐚三文魚籽黃金醬燒元貝$50一客2隻，超大一顆，如手掌大細，淨係外表已經令人非常嘆為觀止～三文魚籽好豪氣，咬下去好鮮甜，黃金醬creamy，兩者配搭好match 好滿足！🦪芝士燒天火蠔$68 亦係一客2隻，芝士燒得香噴噴，芝味濃郁，但亦唔蓋過本身蠔的鮮味🐟珍味鮟鱇魚肝$78果然係經典居酒屋必備，非常軟滑，好似食緊雪糕咁，極中意呢款下酒菜🍜麻醬撈烏冬$38 雖然用料唔係特別，但味道很出色，烏冬煙靭，配上麻醬、蟹籽等各種配料，有層次得黎夠清新🍵明太子茶漬飯$36湯底清香，帶有少少明太子的咸鮮味，米飯吸晒精華，