影片
更多
2022-10-29
50 瀏覽
《尚夢 • 茳煳》以前每個朋友圈子，每年都會見起碼兩、三次，因為疫情關係變成兩三年先見一次，甚至可能果次係大家最後見面既飯局。今日同3位舊同事到《尚夢 • 茳煳》聚一聚，當然要搵間好既餐廳。一間好既餐廳，除左出品好之外，能夠比顧客有好既體驗相當重要。《尚夢 • 茳煳》係一間新派中菜餐廳，環境相當舒適。一般既中菜餐廳，會採用圓形枱，有時如果人多，圓形枱增加左大家既距離感，而呢一度係採用方形枱，而且枱面闊落，大家傾偈食飯相當舒適，而且呢一度嘅老闆亦都對環境美感有一定嘅要求，所以無論燈光、裝飾，都一一精心考量，而且餐廳總會有擺放老闆嘅珍藏作為裝飾嘅一部份，睇得出老闆係對餐廳放咗好多心機。至於服務方面亦相當細心周到，侍應姐姐經常入嚟加茶執枱，而且經理亦都會詳細介紹菜式，服務相當窩心，仲有另外一點嘅係呢間餐廳係🐶Pet Friendly🐱，所以真係好適合一班朋友帶埋寵物一齊「飯聚」，而今日主要我哋都係聽餐廳經理嘅介紹點菜。（1）荔枝凍蕃茄 ⭐️ 5 ⭐️荔枝汁配去皮車厘茄，清甜味道相當醒胃，作為前菜一絕！（2）海星花膠湯 ⭐️ 5 ⭐️湯品係尚夢 • 茳煳既招牌菜，足料湯清味濃，湯料花膠、瑤柱、羊肚菌
以前每個朋友圈子，每年都會見起碼兩、三次，因為疫情關係變成兩三年先見一次，甚至可能果次係大家最後見面既飯局。今日同3位舊同事到《尚夢 • 茳煳》聚一聚，當然要搵間好既餐廳。
一間好既餐廳，除左出品好之外，能夠比顧客有好既體驗相當重要。《尚夢 • 茳煳》係一間新派中菜餐廳，環境相當舒適。一般既中菜餐廳，會採用圓形枱，有時如果人多，圓形枱增加左大家既距離感，而呢一度係採用方形枱，而且枱面闊落，大家傾偈食飯相當舒適，而且呢一度嘅老闆亦都對環境美感有一定嘅要求，所以無論燈光、裝飾，都一一精心考量，而且餐廳總會有擺放老闆嘅珍藏作為裝飾嘅一部份，睇得出老闆係對餐廳放咗好多心機。
至於服務方面亦相當細心周到，侍應姐姐經常入嚟加茶執枱，而且經理亦都會詳細介紹菜式，服務相當窩心，仲有另外一點嘅係呢間餐廳係🐶Pet Friendly🐱，所以真係好適合一班朋友帶埋寵物一齊「飯聚」，而今日主要我哋都係聽餐廳經理嘅介紹點菜。
（1）荔枝凍蕃茄 ⭐️ 5 ⭐️
荔枝汁配去皮車厘茄，清甜味道相當醒胃，作為前菜一絕！
荔枝凍蕃茄
7 瀏覽
1 讚好
0 留言
（2）海星花膠湯 ⭐️ 5 ⭐️
湯品係尚夢 • 茳煳既招牌菜，足料湯清味濃，湯料花膠、瑤柱、羊肚菌、姬松茸及瘦肉，配置埋蠟燭暖爐，冬天相當暖胃！
海星花膠湯
6 瀏覽
1 讚好
0 留言
7 瀏覽
0 讚好
0 留言
（3）特式蝦多士 ⭐️ 4.5⭐️
蝦多士好多地方都有，做得好唔好，除左睇材料之外，還要睇師傅功夫。蝦多士蝦膠彈牙之餘，呢度既蝦多士既蝦膠讓入麵包中間，令到炸起既口感比起蝦膠鋪面更好，而更重要既係炸起左之後，師傅會用吸油級索左多餘既油，令到蝦多士油而不膩。
特式蝦多士
6 瀏覽
0 讚好
0 留言
（4）澳龍三重芝士焗伊面 ⭐️4.5⭐️
面頭有煎過既巴馬臣芝士，煎出芝士香味，配上龍蝦食，多左重芝士既咸香，龍蝦新鮮彈牙。
澳龍三重芝士焗伊面
6 瀏覽
0 讚好
0 留言
（5）豆酥銀雪魚⭐️3⭐️
第一次嘗試豆酥，聽經理介紹，豆酥係湖南既一種醬料，用豆酥配銀雪魚用意，係因為香港既銀雪魚都係雪藏，所以配用豆酥去除冰鮮味道，並且能帶起魚既味道。小弟第一次品嘗豆酥，感覺上豆酥油膩而味淡，不及其他菜式。
豆酥銀雪魚
4 瀏覽
0 讚好
0 留言
（6）客家鴛鴦菜⭐️4⭐️
鴛鴦菜即係炒梅菜、白菜，炒白菜落左一些辣椒，出品會帶點辣味，經理介紹用辣椒原意係去除白菜草青澀味，同行唔係好食辣既朋友，佢地覺得係比較辣左少少，可以落番少D 辣椒比較好。
客家鴛鴦菜
6 瀏覽
1 讚好
0 留言
（7）茳煳炒飯⭐️4⭐️
茳煳炒飯有菜粒、櫻花蝦、咸菜炒成，菜粒增加炒飯口感，飯炒得略為唔夠乾身，較為濕淋。個人口味比較喜好有口感。
茳煳炒飯
7 瀏覽
2 讚好
0 留言
（8）滑嘟嘟大良炸鮮奶 ⭐️3⭐️
炸得好，外皮脆，但可能因為下午3點幾，即時係雪櫃拎出黎炸，所以溫度控制有差異，外熱內凍，作為甜點，可以甜多少少。
滑嘟嘟大良炸鮮奶
7 瀏覽
0 讚好
0 留言
（9）自家製糯米糍⭐️4⭐️
師傅每日都會用唔同既餡料，而今日係用左平時鳳梨酥嘅餡，而呢個冬瓜蓉餡確食係好食，甜度適中，帶點鳳梨味道，有呢種果香味，增加左味道層次，作為飯局尾聲係不錯既選擇。
自家製糯米糍
7 瀏覽
0 讚好
0 留言
一間餐廳好唔好，其中一個角度係你帶你嘅朋友，之後佢地會唔會自己再嚟，而今日三位朋友都相當滿意，佢哋都諗住帶屋企人嚟食，即係話呢間餐廳係一間好既餐廳，茳煳再見！
#尚夢茳煳 #新派中菜 #灣仔 #譚臣道一號
張貼
