幸福鍋 (已結業)

依幾日凍到打冷震，緊係去打邊爐。於是去試依間新開既一人火鍋，幸福鍋。7點未到門口就開始有人群等緊位，等左半個鐘左右就入得。裝修都幾新淨，不過坐得同其他客人比較近，有d逼既感覺。上菜都快既，點左個臭臭鍋同牛肉醉雞自選鍋，花雕雞湯底。臭臭鍋稍嫌臭豆腐不足，上菜時亦唔覺得有臭味。點左小辣，都食得舒服，配左d鴨血，可惜唔太入味，配粉絲就唔錯。2個鍋都份量足既，有唔少蔬菜。至於雞肉，都算有雞味都口感紮實，肉質唔錯。最後仲跟餐叫左2杯野飲，香橙茶都好fresh，特別適合配辣鍋。最後埋單，人均一百多d，唔洗加一，價錢都算良心，會再去試其他鍋底。