有蒸氣 海鮮石鍋專門店 (已結業)

適逢小妹生日，屋企人帶左我去食蒸氣火鍋🍲我之前未食過蒸氣火鍋，唔知道邊間好食，屋企人就帶左我嚟依間位於尖沙咀出名食蒸氣火鍋嘅餐廳。入到餐廳，員工都非常有禮貌👍🏻👍🏻👍🏻我見大部分食客都係跟set叫野食，不過我地咩都想試下食，所以冇跟set，選擇左單點野食。首先食既係黑松露蒸蛋，身為一個黑松露迷，任何有黑松露既食物我都會露出心心眼😍依個蒸蛋好好食，十分之滑，蒸蛋應該係用左上湯蒸，調味適中，配埋面上黑松露，簡直係perfect match🤤竹串海中蝦，大大隻，咬開有滿滿既蝦汁，不過不失。大連鮑魚鮑魚大大隻，店員蒸既時間岩岩好，食落去好鮮甜，上面放左滿滿既蟲草，非常滿足👍🏻👍🏻👍🏻因為媽咪話想食魚，問問店員有冇魚，點知真係有，店員都有向我地推介，服務態度好好👍🏻至於依個係咩魚我就唔記得左，不過真係非常之新鮮，肉質好嫩滑。🤤食左咁多海鮮，係要食返d菜中和下，原本以為菜應該只係普普通通咁放入去蒸，點知勝瓜上都放滿了滿滿既黑松露，成件事即刻高級曬😍到最後就係蒸氣火鍋既重點，就係最底既粥。依個南瓜滑雞吸滿曬海鮮既精華，鮮甜味美，係一個完美既句號🤤🤤🤤