蝦麵店 (希慎廣場) (已結業)

小弟本身非常中意食蝦和麵，日式既蝦拉麵本身就已經可以滿足晒小弟既胃口。估唔到原來除左日式既蝦拉麵，本地都有出色既蝦麵。呢間蝦麵店非常多選擇，各式各樣既蝦湯底都有，仲配合埋香港人既口味，除左麵之外，仲可以揀配米粉同河粉。今次特別試左福建滷麵，配左佢特別推介既摻摻，即係油麵加上米粉。個湯有濃郁既蝦味，油麵就好彈牙，配上米粉一齊食，好有新鮮感。