Fratelli Restaurant (已結業)

係IG見到有人介紹呢間新開既漢堡西餐廳，見到啲相幾吸引就黎左了。餐廳裝修得幾好🤩都坐得舒服既。嗌左照燒流心蛋安格斯牛肉漢堡。流心蛋整得啱啱好🥚牛肉唔會好硬。仲有流心手打明太子蝦餅漢堡。呢個組合都幾特別，味道好夾，蝦餅好大份🍤漢堡係配薯條加餐湯既，性價比幾高😛仲嗌左德國腸加薯蓉，每款腸都幾脆幾好食，薯蓉既味道就比較淡，但都值得一試😚一件令我哋有啲不滿既事係，明明飲品隻杯有柄，個侍應都係要好似茶餐廳既侍應咁拎住上面個杯邊，咁啱佢又無戴手套，感覺有少少唔衛生，不過整體黎講服務態度都算唔錯。