SHAKE SHACK (國際金融中心商場)

營業中

休息中

假日非繁忙時段經過IFC，試吓今個月岩岩開嘅紐約過江龍店 shake shack。烈日當空下真係幾難頂，好彩比想像中唔算多人排隊，大約等左15分鐘就落到order。鋪面唔大，比較多室外座位，但夏日炎炎中午係室外食比較難頂，而且餐廳有唔少位置都係對窗，用餐期間長期曬住。等左10分鐘左右就拎到食物，所有飲管醬料紙巾都係去自助吧的，幾方便嘅。漢堡包嘅size唔算大，感覺上男士有機會唔夠飽。包皮好鬆軟，牛肉好juicy，配搭芝士，生菜，蕃茄，整體上幾好味。之後係食極唔停嘅芝士薯條，有好多車打芝士，芝士控必食，份量都唔少，建議兩人share。香港限定嘅奶茶奶昔就有少少失望，只係飲到好甜嘅雲呢拿味再加好少嘅茶味，未必會再試。比起奶昔，個人比較鍾意呢杯 Fifty / Fifty。一半lemonade, 一半iced tea。食完burger 飲幾解渴。