山一 (已結業)

餐廳位於溜冰場上面，如果坐餐廳旁邊，可以一路食一路睇人溜冰，我覺得最啱小朋友坐，等佢哋可以睇吓又食下，乖D😊餐廳環境亦坐得舒服首先介紹下個茶碗蒸，材料多之餘，亦好夠熱，味道幾好，值得一試！另外幾道，都係假日套餐，正路包沙律，湯和甜品。個湯碗係富士山造型，幾得意！鰻魚套餐配一碗白飯，鰻魚份量較少，不過擺盆精緻。另外個刺身套餐都係配白飯，服務員話好多人都唔要個飯，但我覺得要埋個飯先夠飽，否則八片刺身正常應該唔夠食！而個壽司套餐份量比較足夠，賣相亦都吸引！