圍威喂 (荃灣廣場) (已結業)

呢排中意左食泰國菜 去開荃灣買野就係附近搵間泰國菜試下 荃灣都有好多唔同既泰國菜 選擇都幾多 今次就近近地揀左荃灣廣場呢間 佢都幾出名 我地星期日十二點左右去到餐廳 當時都唔太多人 未坐滿 可能未到食飯時間 我地叫左一個午餐 兩個甜品 兩杯飲品主食叫左個泰式菠蘿雞肉炒飯 賣相唔錯 好足料 不過啲飯淋左少少 同埋啲菠蘿好細粒 但味道唔錯 甜品叫左個泰式芒果糯米飯 係食泰國菜必食既甜品 細細份 芒果有六小舊 好鮮甜好好味仲叫左個泰式奶茶雪糕配油酥餅 有兩球好重泰式奶茶味既雪糕 油酥餅好大塊 煎到熱辣辣 好香脆 食落煙煙韌韌 仲有少量黑珍珠 成個配搭好夾好好味飲品叫左兩杯梳打 一杯係星空梳打 另一杯係柑桔話梅梳打 兩杯賣相都好令 味道酸酸甜甜整體黎講 食物賣相唔錯 味道正常 價錢合理 值得一試