堅信號上海生煎皇 (花園街) (已結業)

一直都知道生煎包王子嘅生煎包好出名，今日終於有機會試吓！疫情冇得堂食，所以就外賣自取。首先一定要叫個招牌生煎包啦，有折，$30/4個！拎到返去已經凍咗啦，諗住可能都會用淋啦！完全估佢唔到一咬落去啲汁噴晒出嚟，個底都仲好脆，如果堂食熱辣辣咪不得了生煎包王子果然名不虛傳，下次一定要堂食試吓另外見到佢門口有季節限定嘅酸菜魚，$58/碗，凍冰冰買碗熱辣辣試吓先！返到去一打開超級香，點知食落去辣到我噴火龍完全唔想食第二啖頂硬上食晒啲魚，其實啲魚係好新鮮好味嘅，但係就幾乎辣都食唔出味道，減一半辣就差唔多啦