一碗肉燥 (TKO Gateway西翼)

營業中

休息中

喺商場行左幾個圈，諗你諗去都唔知想食咩，然後經過呢間，發覺餐牌幾吸引，因為佢有好多選擇，亦都可以好多自由配搭，最終我哋就試一試，結果出乎意料之外地滿意！首先我哋叫咗一個煎紅豆燒餅同豬耳，自己一向都係燒餅發燒友，所以都幾期待，而最終亦都冇令我失望，燒餅外脆內軟，配合紅豆蓉味道相當之好，而豬耳略嫌份量較少，味道尚算可以。主菜紅燒牛肉麵味道十分理想，肉操味道並不會搶走牛肉主味，而且份量適中，留心蛋貫徹台灣傳統地好食，所以絕對值得推介。去到最後自己最期待嘅沙茶金菇肥牛卷冬粉鍋，原來有一碗肉操飯送，配合醬油，冬粉鍋份量相當足夠，材料配搭頗為吸引，如果大家肚餓嘅話，絕對可以考慮呢個。