串燒堂 (已結業)

假期夜晚竟然唔洗排隊，店內冷冷清清。餐廳環境新淨，提供一次性筷子。唯獨係頭頂部冷氣機「轟轟轟」好鬼吵，好似隔離打樁咁，加上餐廳播歌，陰功完全傾唔到計，有少少耳鳴。講下食物啦，串燒食物種類選擇都好多，上菜速度好快，可能因為少客，又或者電爐燒得快。推薦魚豆腐、魷魚、茄子，好好食！可惜雞翼又乾又柴，一陣雪味，好失望！以為特級墨魚丸有驚喜，點知成口粉，更失望！整體來講，食物味道OK，價錢唔平仲要加一。如果部冷氣維修下，絕對會回頭幫襯。