一風堂 (朗豪坊) (已結業)

第一次食一風堂8周年既和牛拉麵套餐，佢個餐有和牛拉麵、迷你和牛飯同埋一大杯柚子啤酒。柚子啤酒比較甜，啤酒味唔會太重，即使係平日唔中意飲啤酒既我都覺得佢幾易入口🥰。重頭戲既和牛拉麵係最正🤩，佢加入左柚子，所以幾清甜，即使配埋少少肥既和牛，佢成個麵都唔會太油😛。佢塊和牛好大😃，仲要唔係薄切，食落去啖啖烤牛肉既香味，超好食😋。之後個迷你和牛飯其實一 d 都唔迷你😂，佢有最少 10 大粒和牛，每一粒都燒到好香，好啱配埋 Wasabi 食🤪。雖然成個 set 有好多野食，但係柚子既香配埋佢既啤酒同埋茶水，所以食曬成個 set 都唔會話好濟🥳。值得再食！