圍威喂 (荃灣廣場) (已結業)

經過荃灣廣場，發現而間星馬泰餐廳新開張，見到餐廳環境唔錯，坐位舒適，啱哂我同朋友慢慢食傾計。傳統泰北燒黃油春雞$148雞皮塗上蜜糖，有bbq風味，雞肉燒得嫩滑，一切開肉汁流出來，火喉時間掌握得剛剛好，焗到金黃色，好均勻，拌碟有柚子沙律，清甜多汁，配上泰式酸辣汁，香辣惹味，簡直絕配。泰式蟹肉炒飯 $95一上台已經聞到好香，炒飯粒粒分明，唔會覺得好油膩，好有穫氣，啖啖蛋絲、蟹肉、蟹籽，十分足料，看似平凡的炒飯，竟然有驚喜，好高質。大蝦冬陰公湯 $98味道香濃，微辣椰奶味香，有兩隻大蝦，肉質爽口彈牙，配料有蕃茄仔、草菇，如果可以增加酸味，就更完美。泰式青木瓜沙律 $70青木瓜絲切得幼細，口感爽脆，唔會有青草味，加上魚露青檸汁，味道酸辣，好入味，一道開胃又健康的前菜。絕代雙莓(草莓+藍莓) $40顏色鮮豔兩樣混合一齊味道好夾，飲得出用新鮮水果榨汁，味酸酸甜，飲到草莓籽，令飲品增加咬口。