裕記大飯店

營業中

休息中

喺香港要食燒鵝，最多人識的係裕記 。就算你未食過，都實識佢個名，因為由細到大睇電視都睇到裕記的廣告，黃色的鵝著住綠色圍裙的商標。大左開始食唔同地方的燒鵝，今次黎深井，真係要一試佢的味道！ 山長水遠入到黎，見到餐牌都有好多其他小菜，但梗係要食返燒鵝，要食半隻！再加個菜就夠喇。但半隻燒鵝都有分正常（$270）同特大半隻（$300）。咁我地叫左正常大小就得。燒鵝好快就上，皮脆肉嫩，整體都好出色，果然名不虛傳。 首先食左隻脾的部份，肉質嫩，仲有肉汁，中間肥膏師傅處理左，唔怕好肥膩。 唯獨特的燒鵝肉味唔係好出，同食到胸肉位就有啲鞋喇。另外叫的菜係蟹肉扒西蘭花，賣相好靚，亦都好香。有滿滿的蟹肉絲伴西蘭花。蟹肉份量好多，不過直接食蟹肉就淡而無味了。燒鵝賣$270半隻都唔係平價，當然會有期望同要求，整體黎講表現中上，值得回味，但未到一試難忘。