更多
2017-03-28
216 瀏覽
愈黎愈多餐廳進駐百樂中心,今次同朋友試下西班牙菜,西餐中,我自己幾鐘意西班牙菜,巧妙地運用不同香料,相比其他西菜,味道更多變 更豐富。甫入餐廳,燈光偏暗,環境幽靜,枱與枱之間距離雖近,但有足夠空間感,整體感覺舒服。碟子非常精緻先揀飲品,餐廳有好多歐洲進口手工啤,好想試但又唔想飲凍野,所以我地最後都揀左熱水果茶。朋友揀左仲夏水果茶($42) ,我揀左荔枝茉莉綠茶($39)。水果茶較濃味,有熱情果香。相反,荔枝茉莉綠茶則較清香,散發淡淡的荔枝甜,唔錯👍Tapas揀左芝士煎蟹餅( $168),Tapas意指份量細小的前菜,但呢個蟹餅份量絕對唔細😜可以一隻隻蟹拑拔起食,蟹餅既蟹味略淡,有蛋香,但蟹餅明顯煮過龍 偏乾,面上灑滿木魚絲,挺有睇頭的,係一道呃like既tapas。輪到主菜,當然要試貴為西班牙國菜的西班牙海鮮飯,係西班牙時,隨便入一間都又便好食,但離開西班牙,搵到好食既pealla真心難。估唔到呢間餐廳做得唔錯😍飯既硬度適中,吸收海鮮精華 好鮮味(呢一part係最重要亦最難做得好,所以如果掌握得好,我覺得pealla已經成功左一大半)。海鮮非常豐富,有青口、蜆同大蝦,大蝦新鮮,爽口彈牙
窩夫食得多,但麻糬窩夫真係第一次食,呢到除左有甜味窩夫外,仲有鹹同辣味供選擇,非常特別,但話明飯後甜品,當然揀返甜窩夫先滿足🙄窩夫外脆內軟,中間更有麻糬煙韌口感👍灑上糖粉同抹茶粉,加上一球抹茶雪糕食,冷熱交融,雪糕有香濃抹茶味,唔易溶,所以唔洗驚食到一半時,雪糕已融化呢個問題。抹茶甜品又點少得紅豆呢,餐廳仲自家製吉士醬、抹茶吉士醬同抹茶小蛋糕,抹茶吉士醬除左有濃厚抹茶味外,更帶微微甘苦香,唔錯😍 如果唔鐘意窩夫配吉士醬食,可以試下配蜜糖,蜜糖清甜,帶花香。
張貼