影片
更多
2021-06-24
17072 瀏覽
同朋友一直都想食buffet 不過價錢多數都比較貴 起碼要$400-$500蚊起 我地食得唔太多 唔想食咁貴 最近係網上見到好多人推介呢間既自助午餐 食物款式多 午餐仲有生蠔同蟹腳食 價錢又合理 質素仲要唔差tim… 網友仲教埋上佢地個網買預缴電子按金$300蚊 就可以食自助午餐有75折優惠 聽落真係好抵 我地就預早一個月打去餐廳訂位 都問左啲日子已經係full full地 位置得返近門口位 咁我地就揀左月尾去食 坐既位置係正常位 確定左餐廳有位之後店員就會幫我地hold枱 我地再上返佢地個網買返張優惠券就搞掂喇 成個過程好簡單又方便酒店好近紅磡西鐵站 一出站上電動樓梯 再通天橋入商場就可以通到過去酒店 我地係book左食中午12點至2點半 當日係平日星期四 我地中午12點去到餐廳 已經坐滿人 估唔到平日都會咁多人 我地今次被安排坐係窗口位 個位被外面既光線影射入黎 岩晒影相 可能因為早book位 所以個座位會安排得幾好 我地都好滿意 食物種類真係有好多下 有海鮮 泰國野 印度野 燒物 刺身 甜品等等….. 海鮮有生蠔 長腳蟹 小龍蝦 藍青口 紐西蘭青口 海蝦 生蠔都唔會太多人拎 眼見
酒店好近紅磡西鐵站 一出站上電動樓梯 再通天橋入商場就可以通到過去酒店 我地係book左食中午12點至2點半 當日係平日星期四 我地中午12點去到餐廳 已經坐滿人 估唔到平日都會咁多人 我地今次被安排坐係窗口位 個位被外面既光線影射入黎 岩晒影相 可能因為早book位 所以個座位會安排得幾好 我地都好滿意
食物種類真係有好多下 有海鮮 泰國野 印度野 燒物 刺身 甜品等等….. 海鮮有生蠔 長腳蟹 小龍蝦 藍青口 紐西蘭青口 海蝦 生蠔都唔會太多人拎 眼見排隊既人都係5個左右 幾分鐘已經拎到 每人每次兩隻 海蝦好新鮮 食到好鮮甜彈牙 長腳蟹好肥美 唔會話好細隻冇肉食 食到偏鹹 幾重海水味 海鮮都見佢會不停refill 唔會話冇晒 刺身好似都有五款 我地淨係試左三文魚 係厚切既三文魚 好肥美 好新鮮 熱食方面 試左佢地既泰式豬頸肉 BBQ豬肋骨同埋煎雞翼 雖然三樣野都係比較普通 但佢地做得好好味 食落好夠味 唔會話好淡 仲試左佢地既低溫烤香料牛肉眼 咬落好淋身 唔會話好韌 另外熱食仲有葡汁牛肋條 粟米薯蓉 四季豆 脆薯格 燒粟米 燒紅菜頭 燒蕃茄 燒多春魚 Pizza 炒雜菜 炒意粉 款式真係有好多 中式野都有好多選擇 有櫻花炒飯 燒賣 蝦餃 紫薯包
飲品都係自助式自己飲斟 唔會淨係每人只得一杯 有咖啡 洛神花蜜茶 凍紅茶 仲有一堆熱茶
甜品款式又係非常多 我地食到都唔知時間 兩點先出去拎 試左必食既芒果拿破崙 芒果好鮮甜 酥皮好脆 仲有好好味既吉士Cream 仲有榴連拿破崙 我地唔太中意榴連 所以冇試到 仲有好多好細件好精緻既蛋糕同一杯杯既甜品 仲試左即整既班戟 個皮有得揀原味同斑蘭 我地揀左原味 再加芒果同士多啤梨 再加啲Cream 最後仲可以自己淋啲醬落去 有朱古力 楓糖漿 煉奶 班戟食落好好味 食晒一個都唔會好漏 再試埋窩夫同雲呢拿味梳乎厘 窩夫食落熱辣辣好脆 梳乎厘岩岩整起 熱辣辣好鬆軟 另外仲有掰古力噴泉 呢個真係好少見
整體黎講 環境好大好舒服 食物款式真係好多 仲幾高質 價錢又合理 平均連埋加一每人$320左右 餐廳服務員服務仲好好 不停收碟同水 值得一試
張貼
