佐手牛清湯腩 (已結業)

見呢間餐廳新開，一直都想去試下食，今日終於有機會去啦！可能今日落雨，lunch hour 唔係好多人。出餐快，姐姐都幾nice，見我地揀緊會主動推介返邊啲要試下。可能人唔多，我地落完order，5分鐘左右野食就到左。我叫左個三寶河粉，朋友叫牛丸拼魚頭片粗麵，我有啲事冇食住，出左去10分鐘先返嚟，碗麵仲係熱到有煙嘅，姐姐知我行開左都驚野食凍左，主動問要唔要俾碗熱湯我😂。朋友share 左粒牛丸俾我食，真係幾好食，同出面街食到普通個啲完全唔同，牛丸肉味濃，咬開jucy 又唔會油膩，咬開唔會見到好多油混左肥膏咁，質感比起平時個啲冇咁硬身。我地都一致覺得好好食。朋友亦覺得佢個麵幾彈牙，魚頭片肉鬆鮮美。我個三寶河都唔錯，河粉米香重，個湯清清地，唔會愈食愈咸， 牛筋、牛腩、牛肚入味，仲好淋！輕輕已經咬開，所有野味道岩岩好，唔會太咸。野飲方面我叫左個柑桔話梅梳打，都ok，出面少見。總體俾我感覺係真材實料，皇牌推介唔係卦名，真係幾好食，睇得出佢地幾有心做，職員幾nice，價錢都對得住佢嘅食物質素。