影片
更多
2014-04-06
2245 瀏覽
一年無來大坑食野，今日係銅鑼灣行完街，便順入來搵好野食。全個大坑好似花虛一樣，人多，食店多，好多仲係度裝修緊添。我同好友行左2個圈，決定唔到，因為間都好似好正。最後，我地唯有靠睇open rice 來決定，最終揀左金之藏，佢好在有拉麵同串燒2樣揀，我地貪心呀嗎😁😁😁試多D。來到哩間鋪面口，見到全店full晒，心諗哩間野都幾勁，仲要我地等15分鐘，太串啦！😠😠😠終於到我地坐底，雖然好肚餓，但我做人嚴謹，只點了十多款試一試先，唔值得就即走。可能係今日客人多嘅關係，頭一道菜金之藏沙律都等左8至10分鐘，哩個沙律外觀不錯，仲幾大份添，我認為好扺食，58蚊咋，岀面D餐廳比幾片豆腐同蕃茄都收六七拾。十五分鐘左右開始陸續有串燒上枱，不得不提個炸豆腐，好好味，48蚊咋，真係人都癲，岀面哩個價最多比2件，哩度3件，仲要好味，賣相靚，我認為個廚師好有誠意，裝食物D碗碟都係用好野，值得一讚。串燒深刻嘅係個牛小排，D肉汁直射喉嚨叮，味道一流，外層燒到香噴噴，帶有少許黑椒嘅香味，好吸引，48蚊一串。燒龍蝦值得一讚，最初諗住98蚊隻龍蝦，應該好細隻，點知一上枱，我同友人已嘩一聲，ok 大隻之餘，味道鮮甜，肉質彈牙
一年無來大坑食野，今日係銅鑼灣行完街，便順入來搵好野食。
全個大坑好似花虛一樣，人多，食店多，好多仲係度裝修緊添。我同好友行左2個圈，決定唔到，因為間都好似好正。最後，我地唯有靠睇open rice 來決定，最終揀左金之藏，佢好在有拉麵同串燒2樣揀，我地貪心呀嗎😁😁😁試多D。
來到哩間鋪面口，見到全店full晒，心諗哩間野都幾勁，仲要我地等15分鐘，太串啦！😠😠😠
終於到我地坐底，雖然好肚餓，但我做人嚴謹，只點了十多款試一試先，唔值得就即走。可能係今日客人多嘅關係，頭一道菜金之藏沙律都等左8至10分鐘，哩個沙律外觀不錯，仲幾大份添，我認為好扺食，58蚊咋，岀面D餐廳比幾片豆腐同蕃茄都收六七拾。
十五分鐘左右開始陸續有串燒上枱，不得不提個炸豆腐，好好味，48蚊咋，真係人都癲，岀面哩個價最多比2件，哩度3件，仲要好味，賣相靚，我認為個廚師好有誠意，裝食物D碗碟都係用好野，值得一讚。
串燒深刻嘅係個牛小排，D肉汁直射喉嚨叮，味道一流，外層燒到香噴噴，帶有少許黑椒嘅香味，好吸引，48蚊一串。
燒龍蝦值得一讚，最初諗住98蚊隻龍蝦，應該好細隻，點知一上枱，我同友人已嘩一聲，ok 大隻之餘，味道鮮甜，肉質彈牙，扺食！我地安歌左多一份，實在太抵食啦。
法國鵝肝多士又係殺死人，我平時好少食哩D野，因為好多都有陣'聲'味，我麻麻地，不過服務員話係法國野，好好食架。咁樣就試下啦，嘩！有驚喜，好食，值得一試，98蚊姐。
其他串燒D水準都到位，總括來講，哩間餐廳值得一試，我地個日食食下，仲開埋酒，非常滿足，雖然D服務員忙，但都盡量照顧我地，不錯，我最後比左六拾幾蚊小費。
張貼
