芝心糖人街 (已結業)

九龍城比較偏既位置比我搵到間主打芝士小食既糖水鋪，岩岩食完晚飯，食個糖水就岩岩好喇。晚飯食到好飽，所以無叫小食，2個人叫左2個甜品，楊枝金露加丸子同埋芒果脆脆。原本以為芒果唔係季節，所以會唔甜，但係呢到個楊枝金露出乎意料好甜好好味，加埋d酸酸地既西柚粒，真係好正，另外既丸子唔會太甜，又有咬口，成個配搭都好match。另外芒果脆脆就更加正，完全做到外脆內凍，脆脆皮夠薄，卷左2-3層，入面有芒果加cream，口感真係唔錯，甜甜地咸咸地。呢間甜品鋪值得一試，決定下次再黎試埋佢地既芝士小食。